If you fear of dark,
Think about light.
If you lose once,
There is another fight.
If you want to cry,
Try to smile.
It's not difficult,
Just may take a while.
There are sorrows,
Still the life is a joy.
As you fall at times,
finally to fly high.
नेत्यांनी बाजार मांडलाय लोकांच्या भावनांचा ।
राजकारण खेळ झालाय कलियुगातल्या रावणांचा ।।
एका फांदीवरून कावळा दुसर्या फांदीवर बसतोय ।
स्वतः केलेली घाण बघून जोर जोरात हसतोय ।
तत्व भावना काही नाही, नुसता काव काव कावळ्यांचा ।।
कोणाला आठवते अस्मिता पाच वर्षे झोपलेली ।
कोणा दिसते विकासाची वाट कधीच नसलेली ।
सगळ्याना वाटतोय हा देश निव्वळ बावळ्याचा ।।
मंत्रीपदाच्या खिरापतीला येतील सगळे एकत्र ।
पाच वर्षे मतदारांना विचारणार नाही साध कुत्रं ।
लोकशाहीची टर उडवताहेत, वीट आलाय ह्या टवळ्यांचा ।।
भावनांना शब्दात बांधता येत नाही
आनंदाचा हिशोब मांडता येत नाही
मजा पहिल्या पावसात भिजण्याची,
कविता लिहून सांगता येत नाही
आयुष्याच्या चढणीवर जेव्हा मन थकतं
मागे वळून आठवणींची वळणं बघतं
आजवरच्या प्रवासावर स्वतःशीच हसतं
दूरचं शिखरसुद्धा तेव्हा जवळ भासतं
मन मेलेल्या जगात ..
जगायचीही ... भीती वाटते
भावनांना लागलीय स्वार्थाची बुरशी
कुणालाच कुणाची पर्वा नाहीये फारशी
ह्या आपमतलबी दुनियेत कुणाला ...
आपलं म्हणायची ... भीती वाटते
देवाचा बाजार झालाय, अन् धर्माचं राजकारण
पैशाचा बनलाय देव, अन् तत्वांना फक्त मरण
माणूसकी नसलेल्या समाजात
स्वतःला माणूस म्हणायची ... भीती वाटते
उद्याची चिंता करताना
आजचं जगायचं राहूनच गेलं
भविष्याची चित्रं रंगवताना
आठवणी साठवायचं राहूनच गेलं
पहिल्या पावसात...
तुटलेली छत्री संभाळताना
सुटलेली train पकडताना
मृद्गंध मनसोक्त अनुभवत
बेधुंद भिजायचं राहूनच गेलं
Attractive career मागे
अभ्यासात डोकं खुपसताना
Office ची कामं उपसताना
जिवाला जीव देणारे
मित्र जपायचं राहूनच गेलं
कधी वाटतं ...
घड्याळाचे काटे मागे वळवावेत
गमावलेले क्षण परत बोलवावेत
इतकं सुख दिलं क्षणांनी, पण त्यांना
Thank you म्हणायचं राहूनच गेलं
